原文於2020年6月4日刊登於Facebook: https://www.facebook.com/london852marketing/photos/a.113845327017454/116190433449610
今日想講吓喺倫敦搵工嘅渠道，順便介紹幾個多人用嘅job board，喺香港嘅朋友可以上去search吓同自己本行有關嘅工作了解多啲倫敦市場嘅要求，不過記住，喺BNO holder未正式自動有工作簽證之前，基本上喺無Tier-2 visa嘅情況下要有interview係難過登天，除非你做嘅嘢係on shortage occupation list (https://www.gov.uk/guidance/immigration-rules/immigration-rules-appendix-k-shortage-occupation-list)。
其實喺英國搵工同喺香港搵工大同小異，但係請留意心儀工作嘅地點，如果你住喺倫敦而工作地點係倫敦以外（IT工有唔少都喺Reading），你就要考慮你每日大量嘅時間commute，話雖如此，英國有唔少工作係flexible working，一個星期有機會容許work from home兩日甚至三日，呢啲情況可以喺interview嘅時候向HR或者hiring manager查問。
(以下嘅内容適用包括媽劇亭在内嘅工作)
- Indeed (https://www.indeed.co.uk/)
幾年前Indeed開始喺香港興起。Indeed係由data mine同consolidate其他job board上面嘅roles而起家嘅，演變到而家自己都成爲咗一個job ad嘅平台。基本上你喺Indeed上面打嘅國家，例如你搵香港嘅工打香港，佢會喺本地嘅job board搜羅所有同你個keyword有關嘅工，香港嘅就多數會係集合JobsDB、CareerTimes之類嘅本地job boards。如果你唔熟悉任何job board嘅，Indeed係一個好開始。
我建議先登記，upload自己嘅CV（其實無都無所謂），而且喺Get new jobs for this search by email令自己可以自動有新工作嘅email notifications。 - Google
好多人唔知，其實Google已經有一個好成熟嘅功能，你只需要喺search bar打job，後面加你想搵嘅工作嘅job title，Google都可以好基本搜羅一堆同你keyword有關嘅工。 - LinkedIn (https://www.linkedin.com/)
LinkedIn大概係近幾年快速興起，尤其是Microsoft喺2016年收購咗LinkedIn之後，將LinkedIn嘅平台integrate去Office 365，基本上而家已經可以喺Outlook上面以對方嘅work email或者全名去match到LinkedIn profile，然後方便按埋Connect。LinkedIn嘅詳細玩法我稍後再作詳盡講解。 - Glassdoor (https://www.glassdoor.co.uk/ – domain name會因爲你身處國家有所不同)
Glassdoor係一個集各家之大成嘅平台，2007年喺美國創立，係近年非常多人搵工嘅平台。同其他平台不同嘅係，佢除咗係一個job board之外，仲提供salaries、interview review同company review等等嘅一啲有用資料。唔少candidate見工之後會將見工問過嘅問題、interview嘅過程、對該公司嘅觀感，甚至佢成功與否得到offer同有否accept offer之類都會詳盡列出；而且，在職員工亦可以以匿名方式去俾公司嘅review。如果你對某公司有興趣的話，可以先去Glassdoor了解在職員工對公司嘅評價，以免”由一個地獄跳去另一個地獄”同”入咗火坑先嚟後悔”。 - Job Centre Plus (https://www.gov.uk/find-a-job)
呢個係英國政府嘅job board，政府工較多，亦係Tier-2 visa sponsor需要滿足Resident Labour Market Test (RLMT) (如果聘請嘅職位並唔係on shortage occupation list) 時候需要用嘅平台，詳細資料或者有機會再講解。 - 其他嘅job boards，基本上以下嘅job boards都係大同小異
- Totaljobs (https://www.totaljobs.com/)
- Reed (https://www.reed.co.uk/)
- Jobsite (https://www.jobsite.co.uk/)
- Monster (https://www.monster.co.uk/) 其實呢個喺香港都常用
- CV Library (https://www.cv-library.co.uk/search-jobs)
- Experteer (https://www.experteer.co.uk/) 可以的話我建議唔好用呢個，好多spam emails
- Caterer.com (https://www.caterer.com/)
- eFinancialCareers (https://www.efinancialcareers.co.uk/) 呢個香港人都常用，顧名思義就係搵finance工比較多，IT工都唔少。
- Recruitment Agencies
基本上香港有嘅大recruitment agency英國都有而且更成熟，以下係全世界最大嘅三間contingent recruitment agencies。小弟建議，就算你嘅profile唔係100% fit到佢請緊嘅職位，你照send過去，爲咗令你嘅CV可以register咗喺佢公司嘅database，當recruiter有新role嘅時候，佢哋會先喺公司入面嘅database搵，然後先會用LinkedIn之類嘅平台去headhunt。- Michael Page (https://www.michaelpage.co.uk/)
- Randstad (https://www.randstad.co.uk/)
- Manpower (https://www.manpower.co.uk/)
最後想強調，見到有唔少其他Facebook page主介紹英國搵工，麻煩做多少少資料搜集，以免真正”誤人子弟”。今個post就講到呢度，如果有任何疑問請PM。
