比較香港及英國税前税後人工

原文於6月8日刊登於Facebook: https://www.facebook.com/london852marketing/photos/a.113845327017454/118262373242416/ 早上一位朋友傳來以下的截圖,差的令我連早餐也噴出來,住Manchester居然用Scotland的入息税資料但是完全未有提及Personal Allowance及Starter Rate,而且標題是UK Income Tax Rates(瞓醒未呀?得20個followers睇到唔代表唔駛做功課呀)。爲阻止其他人有樣學樣混淆視聽,我決定不遮蔽原作者資料。 英國的入息税比香港高人所共知,那究竟英國的入息税是如何計算呢?英國的入息税跟香港一樣採用累進制progressive rate,英國政府網頁 (https://www.gov.uk/income-tax-rates) 有詳細列出FY20/21年度的入息税資料。簡單的解讀就是首£12,500年薪或以下是免税的(不代表不需要報稅,如對報稅有疑問,請向英國合資格會計師查詢),£12,501至£50,000年薪的部份需要繳交20%入息税,£50,001至£150,000年薪的部份繳交40%入息税,以及£150,000年薪以上其餘部份就繳交45%入息税,但當中有部份是tax free的,而超過GBP100,000後的個人免稅額會有改變,詳情請自行參閱政府網頁(註:Scotland的入息税制跟英國不同)。香港的亦可自行查閱香港政府網頁 (https://www.ird.gov.hk/eng/ese/st_comp_2020_21_budget/stcfrm.htm) 除入息税外,所有的僱主及僱員亦需繳交國民保險National Insurance(NI),NI rates分七個級別,詳情請參閱:https://www.gov.uk/national-insurance-rates-letters [倫敦媽劇亭 – 英國税後人工低過香港?] 一文提到小弟初到英國的時候,目標只是希望英國税後薪金跟香港税後薪金一樣。要計算扣除入息税及NI後的收入,可以利用MoneySavingExpert的Tax Calculator (https://www.moneysavingexpert.com/tax-calculator/) 去計算。以下的例子參考FY20/21年香港及英國入息税制,而且未有計算任何tax reduction/free的部份: 利用香港政府網頁的Tax Computation (https://www.gov.hk/en/residents/taxes/etax/services/tax_computation.htm),假設在港工作月薪為HKD30,000 等於 年薪HKD 360,000 ,未有 bonus 而且所有免税額爲零(單身、未有供養父母之類); 需要繳交的 annual tax 爲 HKD20,760,扣稅後實收HKD 339,240,假設英鎊港元爲一兌十,即爲GBP33,924。 亦假設你跟小弟一樣希望於英國獲得跟香港一樣的税後收入,扣除基本入息税及 NI,而且假設 company pension 爲零,税前工作收入需要達到£44,532(扣除入息税 £6,405 及 NI £4,204),即需要比先前於香港的年收入高大約£8,532(每月月薪需要高約HKD7,110),如果於香港部份的免税額爲高,則需更高的英國税前收入。此部份你可以參考友page[巴辣姐在英生活誌]的税前及税後收入詳細列表。 希望小弟以此例子可以幫助有志投身英國職場的香港人了解英國入息税。注意的是,以上方法並未考慮你作爲僱員以外包括租金及股票收入的其他收入,如有疑問,請向英國合資格會計師查詢,所有關於”如果我的情況是…”的問題一概不答。 Continue Reading

英國税後人工低過香港?

BNO最近成爲香港人嘅hot topic,唔少人開始renew返本BNO(唔明點解講咗咁耐而家先renew返啦),咁就講到英國政府有可能延長BNO holder嘅visitor visa期限,由6個月變12個月而且可以自動有工作同讀書嘅機會,到呢刻其實都只係if同will explore,咁樣就導致唔少self-claimed KOLs衝出嚟話BNO已經可以做嘢云云。姑勿論結果如何,英國政府今次特別認真嘅態度係肯定嘅,當然背後充滿住千絲萬縷嘅關係我哋啲小薯係唔會有能力參透,Post-Brexit同大陸嘅trade deal會點仍然未知之數,今年年底會唔會需要extend個transition period都未知。 言歸正傳,唔談論太多政治嘢,其實我見唔少香港人講起過嚟英國工作頭幾句都一定提到“過到嚟英國做嘢要預咗人工低過香港”,呢句嘢概括唔到某啲情況。 我嘅例子稍爲特別。我申請T5過嚟之前喺香港工作咗大概5年做in-house tech marketing嘅嘢,都係top-tier嘅IT vendor(呢樣嘢對我喺英國搵工有幫助,或者其他post我再詳細講),人工叫做過得去,唔特別高亦唔係特別低,過嚟英國之前係打算搵返同香港税後一樣嘅人工,始終對UK market唔熟悉唔知啲公司會點睇我,講到呢度我就想講吓英國/倫敦人工嘅嘢。 同香港唔同,香港工轉工會用你之前人工上升嘅百分比做基準,我嘅經驗係”乜你要求加咁多嘅?”,呢句曾經出自recruiter同hiring manager,我當日嘅回應係”我而家嘅人工係below market rate,而你同意㗎喎。”,亦有啲recruiter會不停用”加10%已經好好㗎喇”去試圖close你呢個offer,記住嘅係$20k嘅10%同$200k嘅10%係完全兩回事,當日我亦係喺電話用同一番説話鬧recruiter嘅(利申:我fresh grad第一份job都係recruitment,俾着係我想快手close個offer我都會咁講)。 Anyway,英國嘅玩法唔同,好多role都會寫咗大概可以offer嘅salary係幾多(記住,英國係用per annum去睇嘅),原因係個role值幾多錢,要deliver嘅嘢,理應事前已經決定好,而唔係睇人去決定俾幾錢。我當日其實嘅expected salary係連個apply嗰份job嘅minimum salary都上唔到嘅,recruiter就suggest我將個expected salary寫多,貼近個minimum,因爲我ask得太低,佢有可能覺得我嘅經驗根本未夠而連interview都唔俾我嘅,事後證明佢嘅advice係啱嘅,咁樣就造就咗我税後嘅人工多過我之前喺香港税前嘅人工呢個情況喇,記住,我呢個可能係特殊例子,但係唔好妄自菲薄,如果你做嘅嘢係specialised,有values嘅,係值咁多錢嘅,並唔一定係”搵得少過喺香港”嘅,當然住嘅成本同税會係你嘅考慮點之一,今個post就唔詳細講喇。 我T5開始嘅公司就係幫我做T2嘅公司,而且我上年年尾仲升咗職。香港人過到嚟呢度,其實最緊要要prove到個cultural fit,好多英國在職香港人唔識玩英國人嘅遊戲,融入唔到就錯覺覺得其他人歧視佢(suggest點融入我其他post再講),香港人係勤力、聰明、努力嘅,去到英國定其他地方,都總會搵到食嘅,唔該仲叫緊人洗大餅嗰啲返番去80年代,而家2020年喇。